كنا ف امتحانات العملي بنختار و رقة عشوائي من وسط 60 ورقة عدد افراد السيكشن … كل واحد بيختار ورقة لو حب يبدل بيخسر ربع الدرجة و لو دخل و محلش هيسقط و لو ملحفش يبدل قبل ما الورق يخلص برضو هيسقط.
الفكرة بتعتمد ع انهم بيرصوا التجارب زي ما هي بنفس الترتيب .. مجرد انك تبقى عارف التجارب الصعبة فين و متجيش ناحيتها طبعا دي معلومة من حد امتحن قبلك .
طبعا اتفقس الموضوع فبقوا يغيروا ترتيب التجارب و يلخبطوا الورق لكن ع مين .. برضو انت كنت بتعرف ارقام التجارب السهلة او الصعبة من حد زميلك و تدخل انت مطمن.
طيب زميلك اللي هيدخل ده يختار ازاي عشوائي .. يختار من النص ولا يجي متأخر فيقلل الاحتمالات بس مش متأخر اوي فميلقيش حاجة يختارها ولا يعمل ايه.
الافضل انه يدخل بدري و يمد ايده و تطلع معاه اي ورقة بدون ما يفكر او يحاول يفكر !!!
لو فكرت فالجزء المتسرع ف العقل البشري اللي بيختار الاول و بيختار ديما غلط يختار ما لا يجب ان تختاره ابدا .. طيب واحد هيقول لو استني شوية هيقلل احتمال المخاطرة و لكن ده ممكن يكون العكس لانك ممكن يكونوا بيختاروا التجارب السهلة !!!
ف سؤال سألته عن سعر حاجتين مع بعض ثمنهم جنيه و عشر قروش … لو قلت ان الفرق بينهم جنيه فكم سعر كل منهما؟
الجزء المتسرع هيقول جنيه و عشر قروش !!!!
المهم ايه سبب الكلام الفاضي ده ع الصبح ..
احيانا بنحاول نكون موضوعيين و احنا بنختار و بنفترض افتراضات بنسميها عقلانية لكنها غير ده خالص .
مثلا اختيار مرشح لان فرصته ف الفوز اكبر من اخر لكن لسبب ما بسبب دعم منافسين اخرين انقلب الموقف و حدثت هجرة جماعية للمرشح الاخر !!! … كيف اخترت مرشح المفروض انك مقتنع به لكن حسابات المنطق ف الخسارة جعلتك تختار احد غيره لكن عند دعم مؤيدين تختلف معهم رغم انك ف حاجة لعددهم لفوز اي مرشح سواء السابق او الحالي لكن يتحرك الجزء المتسرع عندك ف التفكير ليختار الاجابة الخطأ !!!
لماذا دون عن كل بنات الكون يقع قلبك ع واحدة .. لماذا هذة البنت ؟ هنا لا اتكلم عن مميزات لكن عن اختيار القلب لا العقل.
لمذا هي ؟ رغم انك بعدها قد تتراجع او او او … لكن لماذا هي
لماذا تختار لون ما من بين عشرات الالوان الاخرى
…………………………
لماذا يكون اول اختيار خطأ خصوصا لو خدته بسرعة؟ ليه ف حاجة بتدخل قلبك من اول مرة و حاجة تانية لا؟
………………………..
هل لو شركة قبل ما تنزل منتج سألت الناس عاوزين ايه افضل ولا هي تشوف الناس و تراقب هم عاوزين ايه و تجرب ع مجموعة منهم ؟
لماذا تفشل منتجات تشكل علامات بارزة ف التاريخ و يتذكرها المستقبل بالخير رغم رفض الحاضر لها؟
……………………
السبب ان الانسان منا دعيييف و له عقل بيرميه وقت الحاجة و بيستعمل قلبه ف غير محله ..
احنا بنفترض ان كل الناس بتفكر صح و انها هتختار بناء ع التفكير المنطقي لكن ده مش صحيح ابدا ف عوامل كتير بتتدخل ف القرار فاحيانا بيكون حاجة غلط و نرجع نقول ايه العك و الهرس ده.
طيب نعمل ايه ؟
الاجابة ولا حاجة لانه محتم علينا ان نختار ف كل مرة لكن من وقت للتاني اكيد القلب هيشارك العقل و يفرض قراره
.png)
aboaladahem 