عشر اسباب لخسارة حمدين امام السيسي 2

بدأ الجزء التاني بسؤال هو انت كنت مؤيد لحمدين اصلا؟؟


1. مين اللي قال ان مؤيدي حمدين معصروش لامون ع نفسهم لما اختاروه (تتح و مرسي اخوان و خالد علي ملوش فرصة و عمرو موسى فلول مقدمناش غيره). مؤيدي حمدين اكبر عاصري لامون ف الجولة الاولى


2. صدق او لا تصدق بدون دعم التيار الاسلامي لمرشح ف انتخابات حرة فلن ينجح ابدا الا مرشحه.


3. المقارنة بين السيسي و حمدين مش ف صالح حمدين خالص.


4. الاعلام مع السيسي و اصلا الاعلام ضد الثورة حاليا (ده بفرض انك معتبر حمدين مرشح ثورة اصلا!!).


5. حمدين مش مرشح حتى الكيان الهش المسمى بجبهة الانقاذ (اللي هيكون اغراق له ف اي حال) و لسه حاسم المسئلة ف الكيان اللزج المسمى بالتيار الشعبي يوم 11 او 12 فبراير


6. السيسي ف روسيا بيشتري سلاح (12 فبراير) و الاعلام نافخ الزيارة دي ع الاخر و محسسنا ان المجرة متابعها.


7. لسه مظهرش تسريب لحد دلوقت ضد حمدين 


8. لو تراجع حمدين عن كلامه عن السيسي هيطلع كداب قدام الاعلام و الشعب و سهل تلاقي له فيديوهات متناقضة.


9. الكنيسة مش هتدي حمدين ابدا (شفيق و موسى … ثم شفيق) يعني اغلب اصوات المسحيين لمرشح الجيش (السيسي .. عنان .. شفيق…).


10. الجيش مسيطر ع كل حاجة من دلوقت و معاه الدستور (ساهم ف تمريره حمدين بمواد تسجن حمدين نفسه) و قانون التظاهر و اي قانون تاني و السلطة و الفلوس و الاعلام و عامة الشعب … و حتى سواقين التكاتك اللي هيمنع استيرادها.


دي مهزلة انتخابية و شعبية و حمدين عامل زي احمد الصباحي بتاع الطربوش اللي دخل ضد مبارك و اداله صوته

عشر اسباب لخسارة حمدين امام السيسي

نقول تاني الشارع العادي عايز استكرار و ده عند حد من اتنين اما الجيش او الاخوان

فلما تقول صباحي و بتاع يبقى لازم تفهم انك مش قاري الشارع اصلا
طيب و الاصوات اللي جابها المرة اللي فاتت.

1. واحد فلول زي شفيق جاب اكتر منه مع الاخد ف الاعتبار انه كام وقتها مرشح للجيش.

2. التيار الثوري (اللي كتير منه مسجون دلوقت) اصلا محسمش رأيه ع حد و اتوزعت اصواته عليه و على ابو الفتوح و على خالد علي.

3. اصوات مؤيدي عمرو موسى و ده رقم مش سهل بردو (2.5 مليون تقريبا) مش ممكن تروح ابدا لصباحي (فلول و كنب و مؤيدي للجيش مش ثوريين ابدا).

4. اصحاب المال لا يمكن يتفقوا مع صباحي مش لانه شريف (و دي مش باثبتها او انفيها) لكن لانه مش هيقدر يمكنهم. (اصلا دلوقت دعم السيسي بدأ منهم و نفض اغلبهم لحمدين).

5. صباحي نفسه نفخ ف شعبية السيسي بغباء منقطع النظير و السيسي فضحه ف تسجيل ياسر رزق (الكل نفخ ف شعبيته الصراحة و هو مقلش كلمة تنصف اي حد).

6. التيار الاسلامي اي كان انتمائه لو مش مقاطع فمرشح الجيش اهون من حمدين. (دول تجار دين حسب رأي حمدين نفسه و اخر شخص ممكن حد منهم يختاره).

7. حمدين نفسه لسه بيبدأ من حوالي اسبوع التحرك و السيسي خلاص ف اماكن مفيش عمود نور فاضي من غير صورته.(غرور حمدين مصور له انه يقدر يعمل حاجة ف الفترة البسيطة دي و التحرك لمؤيدي السيسي فعليا كان من 30-6 بمساعدة حمدين نفسه احيانا).

8. بنت صباحي. (القضية و الكفالة و شماتة الكتير وقتها …. ).

9. ذمة صباحي المالية و موضوع العربية اسكودا و ال7000ج الرصيد اللي ف البنك مش راكبة خالص. (ف كلام كتير و اشاعات و ….).

10. بدون دعم الكل تتح .. خالد علي .. عمرو موسى .. البرادعي .. و الاخوان كمان …. مفيش فرصة اصلا بفرض عدم اللعب برة الصندوق.

 نلقاكم مع الجزء التاني …