الديموقراطية مش الحل و الصندوق طلما المسار قبلهم قذر … مثلا دعاية حزب النور بانه طريقك الى الجنة و انه حزب اسلامي مفيهوش علمانين ولا كفار ولا غيرهم.
مشروع المئة يوم و مشروع النضة …


طيب ايه المشكلة ما الشعب يلبس اختيارته 
مفيش مشكلة لكن لما نيجي نقول هل الاخوان كتير كده لا هم مش كتير لكن المعارضة لهم غير منظمة و غير متفقة فيحصل ان دستور و قبله اعلان دستوري يتم تمريرهم بنسب تافهة.
الاخوان وقت اللعب ف الصندوق هيكونوا الاقدر لانهم اكبر الاقليات و اكثرها تنظيم.


الغالب ان المعارضة لا ترى ده و يمكن شايفة بس مكسوفة .. طبعا لو اي رمز من رموز المعارضة دخل انتخابات ضد مرشح اخواني هيكسب الاخواني بفرق الاتحاد و التنظيم و اكراه النفس ع رأي الجماعة (مهما كان اختيار خطأ) .. الدليل مرسي نص الاخوان اختاروه و هم عارفين انه لا يصلح محافظ مش رئيس.
طبعا هتلاقي مبالغات غير مقبولة زي ده كان شغال ف ناسا و انا كنت اول من جاء بشروط العمل بها من موقع ناسا و واجهت الاخوان به قالوا محصلش اللي بتقوله الشروط اتغيرت عن زمان و ف الاخر طلع مرسي مدخلهاش اصلا.
مبالاغات التيار المدني عن الديموقراطية و ان الاخوان فاشيين رغم ان اغلبهم اكتر فاشية من الاخوان و اغلب رموزه عليهم شبهات مالية و لهم بيزنس مشبوه.


طيب لو دخل مرشح اخوان او مدني ضد مرشح عسكري … بداية هيطبل الاعلام للمرشح العسكري و يقول ده ساب الخدمة بس المساعدات من العسكر مش هتسيبه .. كفاية انك تعرف ان مبارك لسه له وظيفة ف القوات الجوية لحد انهارده يعني ف حاجة غلط. ف الاخر المرشح العسكري يكسب. شفيق كان استثناء غير مقبول كمرشح من الجميع و اللي توقع السيناريو اللي اتعمل ف الاخوان دلوقتي بدري توقع هزيمته.


اي انتخابات حصلت كانت مزورة ع الاقل ف الاعداد و بالتالي انا مش معترف بها ولا باللي جابته .. تم نقاش ده ع المدونة بتفصيل ممل


طيب و الحل
اي انتخابات جاية هيفوز بيها المرشح المدعوم من العسكر او مرشح الاخوان و التيار المدني اضعف من انه يفوز باي حاجة ف اي حاجة و دي الحقيقة اللي بينكرها الجميع


لا التزوير هينغ التيار المدني ولا عندهم ترتيب و تنظيم و قدرة حشد ولاحتى امكانيات العسكر ف المال و الاعلام.


لن يسكت التيار الديني و سيعتبروها حرب ع الدين و وقتها هنرجع نعيد 60 سنة فاتوا من عمر مصر


باي حال من الاحوال السيسي مش ناصر و لو كان ناصر فناصر مدخلش ولا انتخابات واحدة و لو حتى بالتزوير


احنا للاسف عايشين اعلام وقعنلهم متين طيارة و الناس مصدقة .. 


اعقلها و توكل … مش تفائلوا و خلاص 


الديموقراطية حياة كاملة و ليست مجرد ورقة ف صندوق … الديموقراطية تبدأ قبل الصندوق.


اخيرا الاخوان مش هيرجعوا زي ما مش هتشوف رئيس زي خالد علي.




………….. 
يرجى مراجعة كتب جون برادلي من اللينك http://www.hindawi.org/contributors/42591407/
يوجد لينكات للكتابين هامين جدا