الناس اللي ليها ف القراية و عايزة حاجة مريحة للعين البوست ده ليهم …
ف الاول كده لو معدل قرايتك اقل من ساعة يوميا فوفر فلوسك 🙂
كمان دي اجهزة قراية مش تعديل ع ملفات الكتب
اخيرا بطريقة ما هتلاقي فيها حاجة عقيمة
اخيرا تاني دي تجربة شخصية بانقلها مش دعاية لشركة او اني بابيع 🙂
…
الاجهزة دي لها مميزات بغض النظر عن نوعها و هي
خفيفة (اللي مجبر يشيل مجلد او يصور ملف عشان يقراه هيفهم ده كويس).
مريحة للعين
بتوفرلك مكان الكتب ف البيت
بتقعد بالاسبوع من غير الحاجة لاعادة الشحن لو مش هتدخل نت به.
ممكن تشغله كفلاشة.
اكونت امازون و ده مفيد لحضرتك لو فكرت تشتري كتب او غيره.
…
عيوبها
مش بتقدر تعدل ف الملف
بعضها مفيهوش نور
مش بتدعم العربي ف الاغلب
ملهاش اكسسوار او قطع غيار ف دولة زي مصر.
هيكون طبعا سعره مبالغ فيه.
السيستم مش اندرويد يعني لا يوجد اي امكانية لاضافة تطبيقات او العاب او تشغيل فيديو او ملفات صوت.
…..
بتشتغل ازاي؟
عند طريق خاصية اسمها e-ink ممكن تدور عليها ع جوجل طبعا و دي بتخلي الصفحة زي الورقة العادية بالظبط
حسب المساحة ممكن تحمل عليه كتب هيكون عندك جيجا ع الاقل و ده يديك قدرة تحميل ل 150 كتاب مسحوب pdf او اكتر بكتير لو بامتدادت تانية.
هتقدر تحمل عليه و تقرأ اكيد اي حاجة امتدادها pdf mobi
ف اجهزة هتدعم epub doc docs و امتدادات الصور المعتادة
ده لينك الجهاز اللي معايا
ده مقال مفيد لو عايز تقرأ اكتر عن الموضوع
المقال صفحتين خد بالك
اختيارات مجلة pc لافضل الاجهزة
بعض الانواع اللي ممكن تجربها
مواقع بيع ممكن تقارن الاجهزة منها
….
ف الاخر ده مجرد بداية لو حضرتك عايز تشتري ..